Arundhati Movie: అరుంధతి సినిమాను మిస్సైన స్టార్ హీరోయిన్.. అనుష్క పాత్రను ఆమె చేయాల్సిందట..
అరుంధతి సినిమాతో టాలీవుడ్ ఇండస్ట్రీలో స్టార్ డమ్ సంపాదించుకుంది అనుష్క శెట్టి. డైరెక్టర్ కోడి రామకృష్ణ తెరకెక్కించిన ఈ సినిమా బాక్సాఫీస్ వద్ద వసూళ్ల సునామీ సృష్టించింది. ఇక ఇందులో పశుపతి పాత్రలో సోనూసూద్, జేజమ్మ పాత్రలో అనుష్క యాక్టింగ్ అదరగొట్టేశారు. ఈ సినిమాతో అనుష్క నటనకు అడియన్స్ ఫిదా అయ్యారు.
అయితే ఈ సినిమాకు ఫస్ట్ ఛాయిస్ అనుష్క కాదట. అప్పట్లో ఈ సినిమా కోసం చాలా మంది హీరోయిన్ల పేర్లను పరిశీలించారట. చివరకు అరుంధతి పాత్ర కోసం మలయాళీ హీరోయిన్ మమతా మోహన్ దాస్ అనుకున్నారట. ఈ సినిమాతోనే ఆమె తెలుగు తెరకు పరిచయం కావాల్సింది. అప్పటికే అరుంధతి మూవీ స్టోరీ సైతం విని గ్రీన్ సిగ్నల్ ఇచ్చిందట.
ఈ మూవీ చేయడానికి గ్రీన్ సిగ్నల్ ఇచ్చిన ఆమె.. ఆ తర్వాత ఈ ప్రాజెక్ట్ నుంచి తప్పుకున్నారట. ఎందుకంటే అప్పట్లో దర్శకుడితోపాటు ప్రొడక్షన్ హౌస్ గురించి ఓ మేనేజర్ చెప్పిన మాటలు నమ్మి ఈ సినిమాను వదులుకున్నారట. ఈ విషయాన్ని గతంలో ఓ ఇంటర్వ్యూలో చెప్పుకొచ్చింది. మమతా తప్పుకోవడంతో ఆమె స్థానంలోకి అనుష్కను తీసుకున్నారట మేకర్స్.
మమతా మోహన్ దాస్.. ఈ సినిమా రిజెక్ట్ చేసిన తర్వాత మలయాళంలోనే ఎక్కువ మూవీస్ చేశారు. ఆ తర్వాత కృష్ణార్జున సినిమాలో కనిపించారు. ఎన్టీఆర్, ప్రియమణి కలిసి నటించిన యమదొంగ సినిమాలో కీలకపాత్రలో కనిపించి ఫేమస్ అయ్యారు. కానీ తెలుగులో ఈ బ్యూటీకి అంతగా అవకాశాలు రాలేదు.
క్యాన్సర్ సమస్యతో కోన్నాళ్లు పోరాడి గెలిచిన మమతా.. ఇప్పుడిప్పుడే సినిమాల్లోకి రీఎంట్రీ ఇచ్చింది. ఇటీవలే జగపతి బాబు నటించిన రుద్రాంగి సినిమాలో నటించింది. చాలా కాలం తర్వాత ఈ సినిమాలో అద్భుతమైన పాత్రతో కట్టిపడేసింది. ప్రస్తుతం సోషల్ మీడియాలో చాలా యాక్టివ్ గా ఉంటున్న ఆమె ఏదోక పోస్ట్ చేస్తుంటుంది.
టాలీవుడ్ బాక్సాఫీస్ వద్ద రికార్డులు తిరగరాసిన లేడీ ఓరియెంటెడ్ సినిమా అరుంధతి. డైరెక్టర్ కోడి రామకృష్ణ దర్శకత్వం వహించిన ఈ హర్రర్ థ్రిల్లర్ మూవీ అప్పట్లో భారీ విజయాన్ని సాధించింది. కేవలం 13 కోట్లతో నిర్మించిన ఈ చిత్రం ఏకంగా రూ.70 కోట్లకు పైగా వసూళ్లు రాబట్టింది. అప్పట్లో ఈ సినిమాతో అనుష్క పేరు ఇండస్ట్రీలో మారుమోగింది.
