Drishyam 3 Movie: దృశ్యం 3 వచ్చేస్తోంది.. అధికారికంగా ప్రకటించిన మోహన్ లాల్.. ఈసారి..
భారతీయ సినీపరిశ్రమలో మోస్ట్ సక్సెస్ ఫుల్ ఫ్రాంఛైజీలలో దృశ్యం ఒకటి. మలయాళీ సూపర్ స్టార్ మోహన్ లాల్, సీనియర్ హీరోయిన్ మీనా ప్రధాన పాత్రలలో నటించిన ఈ చిత్రానికి జీతూ జోసెఫ్ దర్శకత్వం వహించారు. ఇప్పటివరకు వచ్చిన రెండు భాగాలు సూపర్ హిట్ అయిన సంగతి తెలిసిందే. ఈ రెండు చిత్రాలను తెలుగుతోపాటు హిందీలోనూ రీమేక్ చేశారు. తెలుగులో వెంకటేశ్, మీనా జంటగా నటించగా.. హిందీలో అజయ్ దేవగణ్, శ్రియా జంటగా నటించారు. మలయాళంతోపాటు తెలుగు, హిందీలోనూ ఈ చిత్రాలు భారీ విజయాన్ని అందుకున్న సంగతి తెలిసిందే. ఇక ఇప్పుడు దృశ్యం 2కు కొనసాగింపుగా దృశ్యం 3 చిత్రాన్ని తీసుకురాబోతున్నారు. అయితే ఈ మూడో భాగం ఎప్పుడెప్పుడు వస్తుందా అని ఆసక్తిగా వెయిట్ చేస్తున్నారు ఫ్యాన్స్. ఈ క్రమంలో సినీప్రియులకు గుడ్ న్యూస్ అందించారు మేకర్స్.
దృశ్యం 3 స్క్రిప్ట్ వర్క్ ఇప్పటికే పూర్తి చేశామని అన్నారు డైరెక్టర్ జీతూ జోసెఫ్. “గతం ఎప్పటికీ నిశ్శబ్దంగా ఉండదు. దృశ్యం 3 రాబోతుంది” అంటూ మోహన్ లాల్ ట్వీట్ చేసి మరోసారి ఆసక్తిని రేకెత్తించారు. అలాగే డైరెక్టర్ జీతూ జోసెఫ్, ప్రొడ్యూసర్ ఆంటోని పెరుంబవూర్ తో కలిసి దిగిన ఓ ఫోటోను పంచుకున్నారు. దృశ్యం ఫ్రాంచైజ్ లో మూడో సినిమా మోహన్ లాల్ స్వయంగా ప్రకటించడంతో ఇప్పుడు అభిమానులు ఖుషీ అవుతున్నారు. వీలైనంత త్వరగా ఈ సినిమాను సెట్స్ పైకి తీసుకెళ్లాలని కోరుకుంటున్నారు.
ఇదిలా ఉంటే.. మరోవైపు బాలీవుడ్ స్టార్ అజయ్ దేవగణ్ సైతం దృశ్యం 3పై అప్డేట్ ఇచ్చారు. అయితే ఈసారి మలయాళంలో వచ్చే దృశ్యం 3 సినిమాకు ఇది రీమేక్ కాదు. ఈ చిత్రానికి అజయ్ దేగవణ్ సొంతంగా కథ రాసుకోవడం గమనార్హం. ఇప్పటికే రెండు భాగాలు అందించిన డైరెక్టర్ జీతూ జోసెఫ్ రాసుకున్న పార్ట్ 3కి..హిందీ దృశ్యం 3కి ఎలాంటి సంబంధం లేకపోవడం గమనార్హం.
The Past Never Stays Silent
Drishyam 3 Confirmed!#Drishyam3 pic.twitter.com/xZ8R7N82un
— Mohanlal (@Mohanlal) February 20, 2025
ఇవి కూడా చదవండి :
వయసు 41.. ఒక్కో సినిమాకు రూ.5 కోట్లు.. క్రేజ్ చూస్తే దిమాక్ కరాబ్..
సీరియల్లో పద్దతిగా.. వెకేషన్లో గ్లామర్గా.. రుద్రాణి అత్త అరాచకమే..
త్రిష అందానికి రహస్యం ఇదేనట.. ఆ విషయంలో కండీషన్ పెట్టుకుందట..
Color Photo Movie: కలర్ ఫోటో సినిమాను మిస్ చేసుకున్న హీరోయిన్.. ఇప్పటికీ బాధపడుతుందట..
సస్పెన్స్ థ్రిల్లర్ సినిమాలు ఇష్టపడే సినీప్రియులకు గుడ్ న్యూస్. ఇప్పటివరకు వరుస హిట్స్ అందుకున్న దృశ్యం సినిమాకు మరో సీక్వెల్ రాబోతుంది. అదే దృశ్యం 3. మలయాళీ సూపర్ స్టార్ మోహన్ లాల్, మీనా ప్రధాన పాత్రలలో నటించిన ఈ సినిమాకు జీతూ జోసెఫ్ దర్శకత్వం వహించారు. తాజాగా ఈ మూవీని అనౌన్స్ చేశారు మేకర్స్.
