MLC 2025 : డుప్లెసిస్ విధ్వంస‌క‌ర శ‌త‌కం.. ముంబై పై సూప‌ర్ కింగ్స్ విజ‌యం..

Follow

( 0 Followers )

X

Follow

E-mail : *

Follow Unfollow

మేజ‌ర్ లీగ్ క్రికెట్‌లో టెక్సాస్ సూప‌ర్ కింగ్స్ దూసుకుపోతుంది. ఐదో విజ‌యాన్ని త‌న ఖాతాలో వేసుకుంది. దీంతో ప్లేఆఫ్స్‌కు అర్హ‌త సాధించింది. ముంబై ఇండియ‌న్స్ న్యూయార్క్‌తో జ‌రిగిన మ్యాచ్‌లో సూప‌ర్ కింగ్స్ 39 ప‌రుగుల తేడాతో గెలుపొందింది. ఈ విజ‌యంతో పాయింట్ల ప‌ట్టిక‌లో మూడో స్థానంలో నిలిచింది.

ఈ మ్యాచ్‌లో టెక్సాస్ సూప‌ర్ కింగ్స్ తొలుత బ్యాటింగ్ చేసింది. ఫాఫ్ డుప్లెసిస్ (103; 53 బంతుల్లో 5 ఫోర్లు, 9 సిక్స‌ర్లు) సెంచ‌రీతో చెల‌రేగ‌డంతో నిర్ణీత 20 ఓవ‌ర్ల‌లో 4 వికెట్లు న‌ష్టానికి 223 ప‌రుగులు సాధించింది. డోనోవన్ ఫెర్రీరా (53; 20 బంతుల్లో 3 ఫోర్లు, 5 సిక్స‌ర్లు) హాఫ్ సెంచ‌రీతో రాణించాడు. ముంబై బౌల‌ర్ల‌లో రుషిల్‌ ఉగార్కర్‌, జార్జ్ లిండే చెరో రెండు వికెట్లు ప‌డ‌గొట్టారు.

ZIM vs SA : చరిత్ర సృష్టించిన కేశవ్‌ మహారాజ్‌.. ద‌క్షిణాఫ్రికా స్పిన్న‌ర్ల‌లో ఒకే ఒక్క‌డు..

You brought the whistles, we brought the 𝐐! #TSKvMINY#WhistleForSuperKings#MLC2025 pic.twitter.com/vYe4AjH7KA

— Texas Super Kings (@TexasSuperKings) June 30, 2025

అనంత‌రం 224 ప‌రుగుల భారీ ల‌క్ష్యంతో బ‌రిలోకి దిగిన ముంబై ఇండియ‌న్స్ న్యూయార్క్ జ‌ట్టు నిర్ణీత 20 ఓవ‌ర్ల‌లో 9 వికెట్లు న‌ష్ట‌పోయి 184 ప‌రుగుల‌కే ప‌రిమిత‌మైంది. ముంబై బ్యాట‌ర్ల‌లో కీర‌న్ పొలార్డ్ (70; 39 బంతుల్లో 5 ఫోర్లు, 5 సిక్స‌ర్లు) మెరుపులు మెరిపించాడు. క్వింట‌న్ డికాక్ (35; 25 బంతుల్లో 2 ఫోర్లు, 3 సిక్స‌ర్లు) ప‌ర్వాలేద‌నిపించ‌గా కెప్టెన్ నికోల‌స్ పూర‌న్ (7 బంతుల్లో 8 ప‌రుగులు) ఘోరంగా విఫ‌లం అయ్యాడు. కింగ్స్ బౌల‌ర్ల‌లో అకేల్ హోసిన్ మూడు వికెట్లు తీయ‌గా, నాంద్రే బర్గర్, మార్కస్‌ స్టాయినిస్ లు చెరో రెండు వికెట్లు ప‌డ‌గొట్టారు.

​మేజ‌ర్ లీగ్ క్రికెట్‌లో టెక్సాస్ సూప‌ర్ కింగ్స్ దూసుకుపోతుంది.